سيبها بظروفها مايمكن تانى مانشوفهاش
ويمكن وقت ما نشوفها مانعرفهاش
احنا من الاول يا قلبى ازاى ما صدقناش
بقيت بتمنى اكون فعلا ماحبتهاش
نفسى اعاتبها على اللى انا فيه ده
ولا بلاش اعاتب مين وانا اصلا ماقولتلهاش
قولى يا قلبى مش احنا حاولنا ما عرفناش
ليه دايما بجى قدامها ومانطقهاش
طب اشمعنا دى تفرق ايه دى عن غيرها
ماتستغربش رد عليا رد عليا تعرفها
خلاص صدقت عارف ليه ماليش غيرها
علشان انا وانت كل شويه كل شويه نوصفها
سيبها بظروفها دى حاجه اكيد ما تضمنهاش
ليه نمشى فى سكه اخرتها مانعرفهاش
لسه جويا صورتها يا قلبى مانستهاش
حلاوة روح بروح للى ما يريحناش
روحى بتعافر فى حاجه خلاص ماتنفعناش
تعبت بجد من نارى اللى ما بتهداش
حب ده ولا عذاب حالف ما ينصفناش
تعبنا كتير يا قلبى وبردو ماوصلناش